الطفيلة : المئات يطالبون بمحاكمة رموز الفساد في جمعة "رفض التبعية
|
جرش - نت -انطلقت عقب صلاة ظهر الجمعة مسيرة ضمت المئات من ابناء محافظة الطفيلة من أمام مسجد الطفيلة الكبير , تحت شعار 'رفض التبعية' .
وطالب المشاركون فيها بمحاكمة عدد من رموز الفساد , وهتفوا باهزوجة من بداية المسيرة حتى نهايتها .
وتاليا نص الاهزوجه 'بعد التعديل عليها' :
تكبير ... تكبير ... تكبير
بالروح بالدم نفديك يا أردن
يلي طالع من صلاتك .. احنا ندافع عن بلادك
صف بجنبي يا ابن عمي .. سرقوا ارضك وش مستني
يا ابن عمي احمي دارك .. احنا اهلك واحنا اخوانك
هذا الشعب صار مخدوع .. مين الي سبب هالجوع
قولو الله قولو الله ... ابن الأردن سيدو الله
يا عوض الله يا سمسار ... بعت بلادي بالدولار
رغم البرد و الأمطار ... الحراك باستمرار
الأردن بدها تطهير
و الأقصى بدو تحرير
هاي الأردن حره حره
ما في عنا خطوط حمرا
يلي تنادي بالإصلاح ... وين ضيعت المفتاح
اهتف اهتف لا تتذمر ... ما في عنا ولا خط أحمر ... بس الأردن خطي الأحمر
تكبير ... تكبير ... تكبير
بالروح بالدم نفديك يا أردن
ذبحونا عالحدين ... و غرقو الأردن بالدين
المديونية صارت وين ... كله طار بعشر سنين
خصخصناها و زاد الدين ... و زادت من ضعف لضعفين
و لحقت حتى ابن سنتين ... و اللي ببطن أمه جنين
باعوها سرقوها
الفوسفات
البوتاس
الإسمنت
امنية
الميه
الاتصالات
أرض بلادي
الكهربا
هات يا هالشعب هات ... و انت مصدر السلطات
لا عون و لا بخيت ... بدنا حكومة بالتصويت
لا مكارم لا هبات ... بدنا حقوق و واجبات
بدنا نعيش بحرية ... شيلو القبضة الأمنية
يلي بتكتب بالتقرير ... وصل لمعلمك الكبير
بدو يصير بدو يصير ... الاصلاح و التغيير
و اذا ما صار التغيير ... روس كثير راح تطير
ما بنسكت و ما بنخاف ... و ما بننشرى بالآلاف
تكبير ... تكبير ... تكبير
بالروح بالدم نفديك يا أردن
اهتف اهتف لا تتذمر... ما في عنا ولا خط احمرا ... بس الأردن خطي الاحمر
نعلنها بكل البلاد ... ثورة ثورة ع الفساد
من هون لحد الموت ... وعالفساد ما ظل سكوت
علا يا بلادي علا ... الموت ولا المذلة
من الطفيله لفلسطين ... شعب واحد مو شعبين
كلمة حق صريحة..وادي عربة فضيحة
يا دقامسة حبسك عار ... و الحرامية أحرار
زتقة زنقة دار دار ... و الطفيلة مثل النار
تحرق كل فاسد غدار ... باعوا الأردن بالدولار
باسم عوض الله السمسار ... حبسته بدها قرار
تكبير ... تكبير ... تكبير
بالروح بالدم نفديك يا أردن
